وصفتين سهلين لتعطير الاماكن الحساسه

من طرف solly الأحد أغسطس 08, 2010 11:42 pm

[ندعوك للتسجيل في المنتدى أو التعريف بنفسك لمعاينة هذا الرابط]

عشان جمالك يكون كامل لازم نظافتك تكون كامله

ومن غير كسوف كده يا بنات الافرازات اللي بتحصل عند البنات ممكن تسبب روائح مش لطيفه

أولا وقبل كل شيئ لازم يكون فيه كشف عند الدكتوره

لو لاحظتي ان الافرازات دي بكميه غير طبيعيه او ليها لون او رائحه نفاذه

وده مش للمتزوجات فقط طبعا ده لغير المتزوجات كمان عشان فيه ناس بتهمل في نفسها

وبيطلع عندها التهابات وحاجات ممكن تأثر علي الحمل بعد الجواز

معلش استحملوني يمكن كلامي يكسف بعض الناس او يقولوا اني مش بتكسف

بس انا فعلا مش بتكسف في الحاجات اللي تخص الصحه

اما يا ستي لو الحمدلله الموضوع بمعدل طبيعي فبرضو احنا عايزين النظافه تكون كامله

وريحتنا حلوه وده لنفسنا أولا , لازم نتعود نتزين لنفسنا ونحب نفسنا

بما اني طولت عليكوا هقولكوا الطريقتين اللي نعطر بيهم الاماكن الحساسه بدون خوف

اول طريقه

هاتى مسك و اغمسى فيه قطنه
و امسحى بيها الاماكن الحساسه كويس و بعدين استحمى عادى
الريحه هتستمر لايام و عن تجربه

تاني طريقه

اغسلى المنطقه الحساسه كويس بالصابون و فى ماء دافئ حطى زيت للعطر الى بتحبيه

و اشطفى نفسك بالمايه دى والطريقه دي بتقعد يوم كامل يعني لو هتعمليها اعمليها كل يوم
بس بقولك ايه يا بنوته , اوعى تحطى زيت العطر مباشره يعني متحطيهوش مركز من غير ميه

هتولعى
انا مش مسئوله

يارب يا بنات اكون افدتكو بشيئ ولو بسيط ,

ولو لقيتوا الموضوع يضايق برضو قولولي عشان معملهاش تاني

نتقابل في موضوع تاني 2658

من طرف ندى صبرى الثلاثاء أغسطس 10, 2010 7:24 am

بجد انتى زى العسل وشكرا على معلوماتك ولا حياء فى الدين
[ندعوك للتسجيل في المنتدى أو التعريف بنفسك لمعاينة هذه الصورة]

من طرف solly الثلاثاء أغسطس 10, 2010 9:39 pm

ربنا يخليكي يا ندي ده انتي اللي سكر

من طرف nana الجمعة نوفمبر 12, 2010 2:47 pm

ميرسى ع الوصفتين يا قمر دول اسهل من بعض

من طرف هدهوود الثلاثاء نوفمبر 30, 2010 11:29 pm

بجد جزاك الله خيرا

من طرف شيماء عادل الجمعة ديسمبر 03, 2010 11:46 am

ميرسي ليكي يا قمر

من طرف OMNIA السبت ديسمبر 04, 2010 1:48 pm

شكرررررررررررررررررا جدااااااااااااااااااااااااااااااااا ليكى يا SOLLY على الوصفات التحفه ديه ومنتظرين وصفات خرى

من طرف OMNIA السبت ديسمبر 04, 2010 1:49 pm

من طرف aiortya2007 الأحد ديسمبر 26, 2010 12:16 pm

ميرسى كتير وجزاكى الله كل خير يارب

من طرف dode star الأحد يناير 09, 2011 6:26 am

ميرسى كتير على المعلومات بس انا معرفش المسك بتتباع فين ولا الزيوت يويو

من طرف ليلى الإثنين يناير 10, 2011 1:34 pm

حلوه اوى ولكن عندى كمان وصفه لريحة العرق الشبه المطحونه زى السكر بتاع الكعك والمسك العربى معاه ويارت يكون بعد اخد الشاور والجسم متندى على فكره الشبه فيها مواد تفتيح طبيعيه جدا مع انها كمان مطهره ولو ضيفتى بودرة الجسم ها يكون اجمل