عايزه وشك كله لون واحد وكأنك حاطه كريم اساس؟ شوفي يا ستي ..

من طرف solly الثلاثاء أغسطس 03, 2010 7:38 pm

[ندعوك للتسجيل في المنتدى أو التعريف بنفسك لمعاينة هذا الرابط]

لون وشي مش واحد , عندي بقع في وشي , الحته دي غامقه ,

بصي اتعورت والتعويره راحت بس مكانها غامق ... الخ

كل دي حاجات بتحصلنا صح؟

هقولكوا علي ماسك حلو جداااااا

>>>>>>بس خلي بالك يابنوته انتي وهي<<<<<<

ماتعتمديش علي الماسك بس

يعني لازم تنضفي وشك باستمرار

عشان الماسك يبقا علي نضافه ويجيب نتيجه

يعني غسول, تونر, سكراب سنفره , كده يعني

كمان تشيلي الشعر الزائد عن وشك لأن جدور الشعر اصلا

بتعمل سواد والكلام ده مش في الوش بس ده في الجسم كله

ونصيحتي ليكوا يا بنات شيلوا الشعر بالشمع

هو اه بيوجع شويه انما نتيجته تحفه

وكمان بيفتح لأنه بيشيل الشعر من الجدور ومابيطلعهوش بسرعه

دلوقتي نعرف مكونات الماسك بتاعنا :

ملعقة خميره .

ملعقه خل التفاح.

لبن زبادي والمهم فيه أن يكون معفن يعني فيه بكتيريا كل ما زادت عفونته زادت فائدته .

(يعني بمعنى يبقى فيه نسبة حموضه عاليه علشان حامض اللاكتيك يشتغل كويس
ويقتل اي شوائب ماحدش يقول دي مجنونه انا بتكلم بجد).

***طريقة تعفين الزبادي:

حطيه في كوب واتركيه في الفرن يومين بس اوعي تولعي الفرن
او حطيه في منطقه حاره يعني مافيهاش بروده والجو اليومين دول حر
يعني لو حطيتيه في مكان مافهوش مروحه ان شاء الله بيتعفن

طريقة تحضير الماسك بقا :

اخلطي المكونات جميعا و ضعيه على وجهك 3 مرات في الاسبوع
الى ان يجف و اغسلي وجهك بالماء الفاتر.

وامسحي بعدها بماء الورد...وضعي اي كريم مغذي
(ولو في كريم مبيض هتبقى النتيجة احلي)

بعد ثاني أو ثالث استعمال تكون بشرتك وكأنك حاطه عليها كريم اساس
بياض نعومه وغذاء للبشره.

هتلاقي وشك ابتدي يبقي لون واحد ومع الاستعمال كذا مره هتلاقي نفسك كأنك حاطه كريم اساس.

جربوا وادعولي يابنات

من طرف سلسبيل الأربعاء أغسطس 04, 2010 8:23 am

[ندعوك للتسجيل في المنتدى أو التعريف بنفسك لمعاينة هذه الصورة]

بس كنت عايزه اسالك هوا ايه الشمع ده وبيتجاب منين؟؟؟؟؟؟

من طرف solly الأربعاء أغسطس 04, 2010 8:58 am

ميرسي للمرور يا سلسبيل

الشمع ده حاجه بيشيلو بيها الشعر بس دي بقا تنفع للوش وللجسم كمان , بصي هي فيه منها شكلين

يا اما شرائح فيت اللي بنشوفها في التليفزيون "veet"

[ندعوك للتسجيل في المنتدى أو التعريف بنفسك لمعاينة هذا الرابط]

ودي فيه منها شكلين فيه منها شرائح للوش وشرائح للجسم

هتفركي الشريحه عشان تفصليها عن الشريحه التانيه اللي لازقه فيها وبعدين تحطيها ع المكان اللي انتي عايزاه وتفركي برضو عليها عشان تدفي وبعدين تشيلي عكس اتجاه نمو الشعر بس وانتي بتشيلي المنديل شدي الحته اللي تحت الحته اللي انتي بتعمليها بصوابعك لفوق عشان الشعر يتشال كويس , يعني شدي الجلد لتحت

وفيه بقا الجهاز وده اوفر واسهل بالنسبه ليكي

[ندعوك للتسجيل في المنتدى أو التعريف بنفسك لمعاينة هذا الرابط]

الجهاز ده تشغليه شويه هيدفي الشمع عشان يسيح شويه لأنه بيبقا ناشف وبعد ما يسيح شويه هتحطي ع المكان اللي انتي عايزاه وبيبقا فيه مناديل معاها لما بتخلص بتشتري غيرها المناديل دي للمكنه دي مخصوص وبرضو الشمع لما بيخلص بتشتري غيره وبيبقا رخيص لأنه بيقعد معاكي كتير
بعد ما تحطي ع المكان اللي انتي عايزاه هتحطي عليه المنديل وتفركيه لفوق ولتحت بايدك وتشديه بعكس اتجاه نمو الشعر زي السويت يعني وبرضو تشدي بصوابعك من تحت وانتي بتشيلي وبعد ما تخلصي تحطي علي جسمك او وشك زيت للجسم او لوشن او كريم بس بلاش ميه عشان الميه بتخليه يمسك في الجسم بتخليه يلزق يعني , وعلي فكره الجهاز ده اغلب الكوافيرات دلوقتي جايباه ممكن وانتي في الكوافير لو عندهم تجربيه وتشوفي هيعجبك ولا لأ قبل ما تشتري او تجربي بشرائح فييت
هي اجهزة الشمع هتلاقيها دلوقتي بـ 150 وبيبقا معاها ع الاقل 2 علبة شمع زي اللي انتي شايفاها جمب الجهاز اللي فوق ومناديل لما بيخلصوا بييجي غيرهم , دي ممكن تشتريها من اي محل بيبيع الحاجات النسائيه يعني اللي بيبيعوا السشوار والمكواه ومكن براون والحاجات دي يعني لو اخدتيلك لفه في وسط البلد هتلاقي محلات بتبيعها

من طرف لولو20010 السبت أكتوبر 09, 2010 6:16 pm

من طرف نور20 الثلاثاء مارس 29, 2011 2:38 am

اريد شي يفتح منطقه الشنب غااامقه جدا بليز حد يرد

من طرف aya alim الثلاثاء أبريل 05, 2011 4:31 am

thankxxxxxxxxxxxxxxxxxx PG,M

من طرف **المديرة** الخميس أبريل 07, 2011 6:36 pm

نور20 كتب:اريد شي يفتح منطقه الشنب غااامقه جدا بليز حد يرد

عليكى باليمون والزبادى

من طرف فيروز الجمعة سبتمبر 09, 2011 7:37 pm

انا حطيت خل التفاح طلعلى حبوب فى وشى وكمان التهب واحمر

عايزه وشك كله لون واحد وكأنك حاطه كريم اساس؟ شوفي يا ستي ..

عايزه وشك كله لون واحد وكأنك حاطه كريم اساس؟ شوفي يا ستي ..

رد: عايزه وشك كله لون واحد وكأنك حاطه كريم اساس؟ شوفي يا ستي ..

رد: عايزه وشك كله لون واحد وكأنك حاطه كريم اساس؟ شوفي يا ستي ..

رد: عايزه وشك كله لون واحد وكأنك حاطه كريم اساس؟ شوفي يا ستي ..

رد: عايزه وشك كله لون واحد وكأنك حاطه كريم اساس؟ شوفي يا ستي ..

رد: عايزه وشك كله لون واحد وكأنك حاطه كريم اساس؟ شوفي يا ستي ..

رد: عايزه وشك كله لون واحد وكأنك حاطه كريم اساس؟ شوفي يا ستي ..

رد: عايزه وشك كله لون واحد وكأنك حاطه كريم اساس؟ شوفي يا ستي ..